կարևոր
0 դիտում, 5 տարի առաջ - 2019-05-20 10:59
Քաղաքական

Չեղարկել կոչը, ձեռնպահ մնալ բոլոր տեսակի հակասահմանադրական քայլերից. ԲՀԿ-ի հայտարարությունը

Չեղարկել կոչը, ձեռնպահ մնալ բոլոր տեսակի հակասահմանադրական քայլերից.  ԲՀԿ-ի հայտարարությունը

«Բարգավաճ Հայաստան» կուսակցության քաղաքական խորհուրդը  հայտարարություն է տարածել, որում հորդորում է Նիկոլ Փաշինյանին չեղարկել նախկինում արված իր կոչը:

Հարգելի՛ հայրենակիցներ,

«Բարգավաճ Հայաստան» կուսակցությունը կողմ լինելով մեր երկրում օրինականության և սահմանադրական կարգի պահպանմանը , պատրաստ լինելով օրենքի շրջանակներում քննարկել դատական համակարգում առկա իրապես լուրջ խնդիրները, գտնել համատեղ իրավական լուծումներ, կոչ է անում ձեռնպահ մնալ բոլոր տեսակի հակասահմանադրական քայլերից և գործողություններից, որոնք ուղղակիորեն հարվածելու են մեր պետականությանը, Հայաստանի Հանրապետության միջազգային հեղինակությանը՝ վտանգելով տնտեսության զարգացմանը , մեր երկրում մարդու իրավունքների պաշտպանությանը և նախապես հայտարարված բարեփոխումների կենսագործմանը:

Հորդորում ենք ՀՀ վարչապետ Նիկոլ Փաշինյանին, այսօր ժամը 12:00-ին կայանալիք ուղիղ եթերի ընթացքում, չեղարկել նախկինում արված իր կոչը և չխոչընդոտել դատարանների բնականոն գործունեությունը , չվտանգել երկրի միջազգային հեղինակությունը , չպառակտել հասարակությունը և միասին փորձել հանդուրժողականության և փոխըմբռնման մթնոլորտում լուծել դատաիրավական համակարգում առկա իրապես խորքային խնդիրները»,-ասված է հայտարարության մեջ: