Փաշինյանն արևմտյան նախագիծ է. ՌԴ Պետդումայի պատգամավոր

 ՌԴ Պետդումայի «Սպրավեդլիվայա Ռոսիա» խմբակցությունից պատգամավոր Միխայիլ Եմելյանովը Интерфакс-Азербайджан-ի հետ զրույցում կարծիք է հայտնել, որ ՀՀ վարչապետ Նիկոլ Փաշինյանին իշխանության են բերել արևմտյան ուժերը. հայտնում է Русарминфо-ն:

Ըստ նրա` եթե անգամ Փաշինյանը չի դիմում հակառուսական որոշ քայլերի, այսինքն` չի պնդում, որ Գյումրիից հանվի ռուսական ռազմաբազան, նա, միևնույն է, հայ հասարակությանն այլ ուղղությամբ է դաստիարակում: «Այսինքն` փոխվում է ուսուցումը համալսարաններում, տեղեկության մատուցումը որոշ ԶԼՄ-ներում: Այդ իսկ պատճառով ակնհայտ է, որ Փաշինյանը արևմտյան նախագիծ է: Այդ մասին է վկայում այն, թե ինչպես նա վարվեց ռուսամետ ուժերի հետ»,- ասել է պատգամավորը:

Խոսելով ԼՂ հակամարտության կարգավորման մասին` Եմելյանովը նշել է, որ ՀՀ վարչապետից պետք չէ սպասել դրական առաջընթաց հակամարտության լուծման հարցում: Նրա կարծիքով` ԼՂ հակամարտության լուծման դեպքում Արևմուտքը կզրկվի Կովկասում իրավիճակի վրա ազդելու իր օջախներից, իսկ ՌԴ-ն և Թուրքիան տարածաշրջանում գլխավոր խաղացողները կդառնան: