Լուկաշենկոն Պուտինին խոստացել է վատորակ օղի չմատակարարել Ռուսաստան

Բելառուսի նախագահ Ալեքսանդր Լուկաշենկոն ՌԴ նախագահ Վլադիմիր Պուտինի հետ հանդիպման ժամանակ հայտարարել է, որ Մինսկը երբեք վատորակ օղի կամ սառը ուտեստներ չի մատակարարի ռուսաստանցիներին. հայտնում է РИА Новости-ն:

Խոսելով մթերքի մասին` նա նշել է, որ մարդկանց որակյալ մթերքով կերակրելու բոլոր հնարավորություններն ունեն:

«Ինչպիսի կոնֆլիկտներ ու սկանդալներ էլ որ լինեն, պետք է հիշեք, որ մենք երբեք ռուսաստանցիներին վատորակ օղի և սառը ուտեստներ չենք մատակարարի: Դուք պետք է դա հասկանաք»,- ասել է Լուկաշենկոն:

Լուկաշենկոն հույս է հայտնել, որ Պուտինի հետ իր բանակցությունները, որոնք Սոչիում օրեր կտևեն, «օգտակար կլինեն ռուս-բելառուսական հարաբերությունների համար»:

«Վստահ եմ, որ այդպես էլ կլինի»,-իր հերթին ասել է Պուտինը: