ՀՀ պաշտպանության նախարարի գլխավորած պատվիրակությունը Մոսկվայում է

ՀՀ պաշտպանության նախարար Դավիթ Տոնոյանի գլխավորած պատվիրակությունն աշխատանքային այցով մեկնել է Մոսկվա:

Մոսկվա կատարած աշխատանքային այցի շրջանակներում ՀՀ պաշտպանության նախարար Դավիթ Տոնոյանը հանդիպում է ունեցել ՌԴ ռազմատեխնիկական համագործակցության դաշնային ծառայության տնօրեն Դմիտրի Շուգաևի հետ։

ՊՆ մամուլի քարտուղար Արծրուն Հովհաննիսյանը տեղեկացնում է` հանդիպման ընթացքում քննարկվել են հայ-ռուսական երկկողմանի ռազմատեխնիկական համագործակցության ընթացիկ պլանները և հեռակա ուղենիշները։

Երկուստեք նշվել է այս ոլորտի կարևորությունը և համագործակցության բարձր մակարդակը։

Այցի ընթացքում նախատեսված են մի շարք հանդիպումներ: