Ադրբեջանն ակնկալում է ռուսական ռազմատեխնիկայի մատակարարման մասին ավելի վաղ կնքված պայմանագրերի լիարժեք իրականացում. Ալիև

Ադրբեջանն ակնկալում է ռուսական ռազմատեխնիկայի մատակարարման մասին ավելի վաղ կնքված պայմանագրերի լիարժեք իրականացում: Այդ մասին РИА Новости-ին ասել է Ադրբեջանի նախագահ Իլհամ Ալիևը:

«Մենք ռուսական սպառազինության խոշոր ներկրողներից ենք: Որոշ պայմանագրեր, որոնք կնքվել են անցյալ տարիներին, դեռ իրականացման փուլում են: Այսինքն` մենք դեռ ամեն ինչ չենք ստացել, սակայն մեծ մասը ստացել ենք: Այդ իսկ պատճառով վերջերս հայտարարվել է, որ երկու կողմերն ակնկալում են  որ նման համագործակցությունը կշարունակվի»,- ասել է նա:

Ալիևի խոսքով` Ադրբեջանի կողմից ռուսական ռազմական տեխնիկայի գնումը «մշտական գործընթաց» է: Նա հավելել էր, որ հետաքրքված են զենքի մատակարարման մասին նոր պայմանագրերով: