Մանվել Գրիգորյանը սատկած դև է, նրա լեշը դուրս պիտի շպրտվի քաղաքից. Հակոբ Հակոբյան

Հայտնել ենք, որ Էջմիածնում բողոքի ակցիա է իրականացվում Մանվել Գրիգորյանի խափանման միջոցը փոխելու դեմ: Բողոքի ակցիայի մասնակիցներին է միացել ԱԺ նախկին պատգամավոր Հակոբ Հակոբյանը /Ճոյտ/:

Հարցին` ինքն է՞լ է դեմ Մանվել Գրիգորյանի ազատ արձակմանը, Հակոբյանն արձագանքեց. «Իհարկե, դեմ եմ: Ոչ թե ես եմ դեմ, այլ Էջմիածնի ժողովուրդն է դեմ, և ես ժողովրդի կարծիքն եմ արտահայտում` այդպիսի մարդ չպետք է ապրի Էջմիածնում` իրենց կողքին, ժողովուրդն ուզում է  դուրս շպրտել նրան: Ես միշտ ասել եմ` նա սատկած դև է, լեշ է, նրա լեշը պետք է դուրս շպրտվի քաղաքից,  և դա ժողովրդի պահանջն է»:

Նա նաև հավելեց, որ Մանվել Գրիգորյանը քաղաքի կեսը սեփականաշնորհել է. մարդկանց տները խլել, սեփականաշնորհել է: