Վլադիմիր Գասպարյանի վերաբերյալ ՔԿ–ի տարածած տեղեկությունները զրպարտություն են. Տիգրան Աթանեսյան

Վլադիմիր Գասպարյանի ներկայացուցիչ Տիգրան Աթանեսյանը իր ֆեյսբուքյան էջում գրել է.

«ՀՀ ոստիկանության նախկին պետ, պաշտոնաթող գեներալ֊գնդապետ Վլադիմիր Գասպարյանի անունից լիազորված եմ հայտարարելու, որ ՀՀ Քննչական կոմիտեի հաղորդագրության մեջ տեղ գտած տեղեկությունները, որոնք նաև տարածվեցին լրատվամիջոցների կողմից, ամբողջությամբ սուտ են և զրպարտություն։ Վստահ եմ, որ քրեական գործի օբյեկտիվ նախաքննությամբ այդ տեղեկությունները հերքվելու են, իսկ համապատասխան հիմքերի առկայության դեպքում, մեղավոր անձը պետք է ենթարկվի պատասխանատվության ակնհայտ սուտ մատնության համար»,–գրել է փաստաբանը:

Հիշեցնենք, որ այսօր  ՔԿ-ն հաղորդագրություն է տարածել այն մսին, որ քրեական գործ է հարուցվել՝ նախկին ոստիկանապետ Վլադիմիր Գասպարյանի  կողմից առերևույթ պաշտոնեական լիազորությունները չարաշահելու դեպքի առթիվ: