Տիմոշենկոն ուկրաինացիներին խոստումներ է տվել

Ուկրաինայի «Բատկովշչինա» կուսակցության ղեկավար, նախկին վարչապետ Յուլյա Տիմոշենկոն խոստացել է նախագահական ընտրություններում հաղթելու դեպքում չեղարկել  գումար աշխատելու համար արտասահման մեկնած ուկրաինացիների համար գործող հարկը. հայտնում է РИА Новости-ն:

Բացի դրանից` նա խոստացել է երկու անգամ նվազեցնել գազի գինը:

«Գազի գնի իջեցումը դա պոպուլիզմ չէ, այլ արդարության վերականգնում»,- ասել է Տիմոշենկոն:

Ուկրաինայի կառավարությունը  հոկտեմբերի 19-ին բնակչության համար գազի գինը բարձրացնելու մասին որոշում է կայացրել: Այն կբարձրանա 23,5 տոկոսով` Արժույթի միջազգային հիմնադրամի հետ պայմանավորվածությունների և պահանջի շրջանակում:

Ընտրությունները երկրում կկայանան 2019-ի մարտին: