Երևանում տղամարդը ծեծել է 20-ամյա կնոջը, որը, գիտակցության չգալով, մահացել է

Երևանում երկու օր առաջ ողբերգական և արտակարգ դեպք է տեղի ունեցել` 30-ամյա տղամարդը ծեծելով սպանել է 20-ամյա իր կնոջը: Ոստիկանության լրատվության բաժնից Yerkir.am-ին տեղեկացրեցին, որ նոյեմբերի 11-ին հաղորդում են ստացել, որ շտապօգնության խումբը «պոլիտրավմա» ախտորոշմամբ Արին Բերդի փողոցի տներից մեկից բուժօգնության է տեղափոխել 1998թ. ծնված Ք. Ի.-ին:

Պարզվել է, որ տանը վիճաբանություն է տեղի ունեցել, որի ժամանակ 1988թ. ծնված Ի. Ն.-ն հարվածներ է հասցրել կնոջը: Տղամարդն այդ օրն իսկ բերման է ենթարկվել բաժին, տվել խոստովանական բացատրություն և բաց թողնվել:

Հիվանդանոցում գտնվող կինը, այդպես էլ գիտակցության չգալով, երեկ երեկոյան մահացել է: Կատարվում է քննություն: