Գործող ԸՕ-ն հնարավորություն է տալիս կազմակերպելու ազատ, արդար ընտրություններ. Մուկուչյան

Ընտրական ողջ գործընթացը կազմակերպվելու է գործող ընտրական օրենսգրքի կանոնակարգումներին համապատասխան, իսկ գործող ԸՕ-ն հնարավորություն է տալիս լիարժեք ծավալով կազմակերպել ընտրությունները. այս մասին լրագրողների հետ զրույցում ասաց Կենտրոնական ընտրական հանձնաժողովի նախագահ  Տիգրան Մուկուչյանը:

Նա նշեց, որ գործող ընտրական օրենսգիրքը լիարժեք հնարավորություն է տալիս կազմակերպելու ազատ, արդար, թափանցիկ ընտրություններ:

«Հանձնաժողովը գործող ընտրակարգին համապատասխան պետք է իրականացնի ընտրությունների անցկացումը: Ընտրական օրենսգրքի առանձին հարցրերի վերաբերյալ ունեն առաջարկություններ, բայց այսօր, երբ արդեն մեկնարկել է  գործընթացը և կա օրենսգիրք,  կանոնակարգումներին համապատասխան պետք է  իրականացնեն ընտրական գործընթացի կազմակերպումը»,-ասաց Մուկուչյանը:

Հարցին, թե ինչպես կմեկնաբանի այն ահնգամանքը, որ Երևանի ավագանու ընտրություններում տեղամասային ընտրական հանձնաժողովների մոտ հանգիստ վիճակ է եղել, մարդկանց կուտակումներ չեն եղել՝ Մուկուչյանը պատասխանեց, որ այս փոփոխությունը   ոստիկանության, հանձնաժողովների՝ ավելի համակարգված աշխատանքով է պայմանավորված: