Ինչ էր գնել Աննա Հակոբյանը Փարիզում. լուսանկար

Վարչապետ Նիկոլ Փաշինյանի կինը՝ Աննա Հակոբյանն իր ֆեյսբուքի էջում լուսանկար է տեղադրել ու մեկնաբանել. «Երեկ թերթերից մեկը լուր էր հրապարակել Փարիզում իմ կատարած գնումների մասին: Լուրն արտատպել էին հայաստանյան գրեթե բոլոր կայքերը, իսկ շատերի մոտ այն օրվա ամենաընթերցված լուրն էր դարձել: Սա նշանակում է, որ հանրությանն իսկապես հետաքրքրում է, թե ինչ գնումներ եմ արել Փարիզում: Ու որպեսզի դա չմնա մարդկանց երեւակայության տիրույթում, սիրով ներկայացնում եմ, թե ինչ եմ գնել Փարիզում (լուսանկարում): Ի դեպ, Փարիզ մեկնելիս ունեցել եմ 300 եվրո, որից ծախսել եմ 100-ը ???? Բոլորը միասին գնել եմ նվերներ Մարիամի, Շուշանի ու Արփիի համար. սպորտային կոշիկ՝ Մարիամին, Պայուսակ` Շուշանին եւ նկարում պատկերված մնացածը՝ Արփիին ???? Շուշանի ու Արփիի նվերնների ծախսը "իր վրա վերցրեց" Ֆրանսիայում ՀՀ դեսպանը, այնպես որ ես անձամբ Փարիզում գնել եմ մեկ զույգ սպորտային կոշիկ: Այսքանը ???? 

Փարիզում իմ շոփինգի ընթացքում ինձ ուղեկցել են դեսպանը, դեսպանատան վարորդը եւ ինձ հետ մեկնած անվտանգության աշխատակիցները (անվտանգություն ապահովող անձանց խնդիրը կարգավորվում է ՀՀ օրենսդրությամբ): 
Սիրում եմ բոլորիդ»:

 Ավելի վաղ մամուլում հրապարակումներ են եղել, որ վարչապետի տիկինը մինչև ատամները զինված թիկնապահների ուղեկցությամբ «շոփինգ» է արել Փարիզում: