«Էրեբունի-Երևան» տոնական միջոցառումները կանցկացվեն հոկտեմբերի 20-ին և 21-ին

Այսօր կառավարության նիստում Տարածքային կառավարման եւ զարգացման նախարար Սուրեն Պապիկյանը ներկայացրեց կառավարության որոշման փոփոխություն, որով Երեւանի օրը նշելու եւ Երեւանի հիմնադրման 2800-ամյակին նվիրված «Էրեբունի-Երեւան» տոնական միջոցառումների անցկացման ժամկետը հետաձգվում է մեկ ամսով:

Ըստ այդմ, տոնակատարությունները տեղի կունենան ոչ թե սեպտեմբերի 29-ին եւ 30-ին, այլ հոկտեմբերի 20-ին եւ 21-ին: Հետաձգման պատճառը Ֆրանկոֆոն պետությունների եւ կառավարությունների ղեկավարների 17-րդ գագաթնաժողովի անցկացման միջոցառումներն են, որոնք նախատեսվում են իրականացնել 2018 թվականի հոկտեմբերի 7-ից 12-ը: 

Որոշումն ընդունվեց: