Լուկաշենկոն և Պուտինը քննարկել են Խաչատուրովի հարցը

Բելառուսի նախագահ Ալեքսանդր Լուկաշենկոն հայտարարել է, որ ժամանակին թեկնածուներ է առաջարկել ՀԱՊԿ գլխավոր քարտուղարի պաշտոնում, սակայն կազմակերպության մյուս անդամները մերժել են բոլոր թեկնածուներին` հօգուտ Յուրի Խաչատուրովի: Այս մասին Լուկաշենկոն հայտարարել է բելառուսական Беларусь 1 հեռուստաալիքին տված հարցազրույցի ժամանակ. հայտնում է РИА Новости-ն:

 «Ժամանակին մենք այլ թեկնածուներ էինք առաջարկում: Այն ժամանակ մեզ չլսեցին: Այժմ եկել ենք այն բանին, որ բոլորն են ընդունում՝ Լուկաշենկոն ճիշտ էր այս հարցը քննարկելիս»,- ասել է նա:

 Լուկաշենկոյի խոսքով` Խաչատուրովի շուրջ իրավիճակը քննարկվել է օգոստոսի 22-ին Սոչիում` Բելառուսի և Ռուսաստանի նախագահների հանդիպմանը:

 «Մենք ավելի խորն ենք դիտարկել այս խնդիրը... Քննարկել ենք մեր համատեղ գործողությունները ՀԱՊԿ-ի շրջանակներում, այն խնդիրները, որոնք այսօր կան ՀԱՊԿ-ի ներսում և գործողությունների այն ուղղությունները, որոնց համար պատասխանատու են կազմակերպության անդամները»,- ասել է Լուկաշենկոն: