ԱՄՆ-ը զիջումների չի գնա. Թրամփը`Թուրքիային

ԱՄՆ-ը զիջումների չի գնա ամերիկացի հոգևորական Էնդրու Բրանսոնի ազատ արձակման դիմաց: Այդ մասին ԱՄՆ նախագահ Դոնալդ Թրամփը ասել է Reuters-ին տված հարցազրույցում. տեղեկացնում է Комсомольская правда-ն:

«Ինձ դուր է գալիս Թուրքիան, թուրք ժողովուրդը: Մինչ այժմ ես լավ հարաբերություններ ունեի նախագահի հետ: Մենք հիանալի հասկանում էինք իրար: Սակայն դա չի կարող լինել փողոց միակողմանի երթևեկությամբ»,-ասել է  Թրամփը:

Թրամփը  նաև հաստատել է ավելի վաղ լրատվամիջոցներում տարածված լուրը, համաձայն որի` ինքը և Թուրքիայի նախագահ Ռեջեփ Թայիփ Էրդողանը ներքին պայմանավորվածություն են ունեցել․ ԱՄՆ առաջնորդը պետք է միջնորդեր Իսրայելում կալանավորված Թուրքիայի քաղաքացի Էբրու Օզքանի ազատ արձակման հարցում, իսկ Էրդողանը դրա դիմաց ազատություն տար ամերիկացի քահանա Էնդրյու Բրանսոնին։ Մինչդեռ Էրդողանը խախտել է խոստումը։

Հիշեցնենք, որ Թուրքիայում ձերբակալված հոգևորականը մեղադրվում է պետական հեղաշարջման փորձին մասնակից լինելու մեջ: