Կարգապահական տույժ կիրառելուց առաջ աշխատողից պետք է պահանջվի գրավոր բացատրություն

Այսօր կառավարության նիստում ՀՀ աշխատանքի և սոցիալական հարցերի նախարար Մանե Թանդիլյանը ներկայացրեց «Ծառուկյան դաշինք» խմբակցության մի խումբ պատգամավորների կողմից մշակված օրենքի նախագիծը, որով նախատեսվում է փոփոխություն կատարել Աշխատանքային օրենսգրքում: Ըստ այդմ` մինչև կարգապահական տույժի կիրառումը գործատուն պետք է աշխատողից գրավոր կերպով պահանջի խախտման մասին գրավոր բացատրություն: Եթե գործատուի սահմանած ողջամիտ ժամկետում աշխատողն առանց հարգելի պատճառների չի ներկայացնում բացատրություն, ապա կարգապահական տույժը կարող է կիրառվել առանց գրավոր բացատրության:

Որոշումն ընդունվեց: Օրենքի նախագիծը կներկայացվի ԱԺ քննարկմանը: