ՃՏՊ Աշտարակ - Ապարան ավտոճանապարհին. կա տուժած

Հունիսի 20-ին, ժամը  15:50-ին «911» ծառայությանն ահազանգ է ստացվել, որ Արագածոտնի մարզի Կարբի գյուղի մոտակայքում տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Աշտարակ-Ապարան ավտոճանապարհի 10-րդ կմ-ին բախվել են «Mercedes» (վարորդը՝ Ս. Մ., ծնված 1985 թ.), «Nissan Fuga» (վարորդը՝ Դ. Զ., ծնված 1980 թ.) և «ՎԱԶ 2106» մակնիշերի (վարորդը՝ Ա. Ա., ծնված 1993 թ.) ավտոմեքենաները. «ՎԱԶ 2106» մակնիշի ավտոմեքենայի վարորդը տեղափոխվել է Աշտարակի ԲԿ, որտեղ բժիշկները նրա առողջական վիճակը գնահատել են բավարար: 

Փրկարարները հոսանքազրկել են ավտոմեքենաները և փակել են գազի բալոնի փականները: