Թույլ չենք տալու, որ այս հողերում կրկնվեն Դերսիմի դեպքերը․ Թուրքիայի վարչապետ

Թուրքիայի վարչապետ Բինալի Յըլդըրըմն այցելել է Դերսիմ՝ հայտարարելով, որ «այդ հողերի տերերն» իրենք են։

Ըստ Demokrathaber-ի՝ Յըլդըրըմը փորձել է ցույց տալ, թե իբր թուրքական իշխանությունները խտրականություն չեն դնում ոչ մի ազգի նկատմամաբ:

«Մենք թույլ չենք տալու, որ այս հողերում կրկնվեն Դերսիմի դեպքերը։ Իմ անունը դրել է մեր ալևի հարևանը։ Ի՞նչ է նշանակում՝ Բինալի` Ալիի որդի։ Սուննիների հետ հարաբերությունն ահա այսքան կարևոր է, մենք հավատում ենք դրան»,- ասել է նա։

Յըլդըրդմը նշել է նաև, որ, անկախ ազգությունից, բոլորն «այդ հողերի տերերն են»։

«Ալևի, սուննի, թուրք, քուրդ, բոլորն այս երկրի տերերն են։ Բոլորը մեր գլխի վրա տեղ ունեն»,- հայտարարել է նա՝ չցանկանալով հիշել հայերի մասին։