Իմ անցյալն էլ է քրդական. Թուրքիայի վարչապետի ուշագրավ հայտարարությունը

Թուրքիայի վարչապետ Բինալի Յըլդըրըմը քրդաբնակ Հաքքարի նահանգում նախընտրական հանրահավաքի ժամանակ հայտարարել է իր քրդական արմատների մասին: Ըստ Haberturk-ի` նա նշել է, որ քաղաքացիները պետք է հպարտ լինեն իրենց քրդական արմատներով ու չթաքցնեն դա:

«Հպարտությամբ ասեք, որ քուրդ եք։ Ոչ ոք դրա համար ձեզ ոչինչ չի կարող անել: Իմ անցյալն էլ է քրդական։ Մենք քրդերի հետ այլևս ոչ մի խնդիր չունենք»,- ասել էր Թուրքիայի վարչապետը` պնդելով, որ  Թուրքիայի իշխանություններն «անցյալում են թողել խտրականության քաղաքականությունը»։

Ուշագրավ է, որ Յըլդըրըմն արմատներով հայկական պատմական Երզնկա (Էրզինջան) նահանգից է, որն այժմ քրդաբնակ է: