Քրդական կողմը հերքում է Աֆրինի մասին Թուրքիայի կառավարության խոսնակի հայտարարությունը

Քրդական  կառույցներ հանդիսացող` Աֆրին շրջանի առողջապահական խորհուրդը,  Ռոժավայի մարդու իրավունքների պաշտպանության միությունը հերքել են Թուրքիայի կառավարության խոսնակ Բեքիր Բոզդաղի այն հայտարարությունը, թե «Ձիթենու ճյուղ» ռազմական գործողությունների ընթացքում Աֆրինի խաղաղ բնակչությունից զոհեր չեն եղել:

Ըստ DHA-ի՝  քրդական կառույցները տվյալներ են հրապարակել, համաձայն որոնց` «Ձիթենու ճյուղ» ռազմական գործողության առաջին օրվանից (2018թ. հունվարի 20)  մինչև մարտի 16-ը Թուրքիայի զինուժի գործողությունների հետևանքով  Աֆրինում սպանվել է 232 խաղաղ բնակիչ, որոնցից 35-ը` երեխաներ, 29-ը՝ կանայք։  

Նշվում է, որ առայժմ հաշվարկված չէ՝ որքան խաղաղ բնակիչ է սպանվել Աֆրին քաղաքը գրավելուց հետո։