Փաշինյանը՝ իր դիպլոմի, ռեյտինգային ընտրակարգի ու Վանո Սիրադեղյանի վերադարձի մասին

Խորհրդարանում լրագրողների հետ զրույցում ԱԺ «Ելք» խմբակցության ղեկավար, վարչապետի թեկնածու Նիկոլ Փաշինյանն անդրադարձավ վերջերս ակտիվորեն շրջանառվող լուրերին, թե հնարավոր է իշխանափոխությունից հետո Հայաստան վերադառնա ներքին գործերի նախարար նախկին Վանո Սիրադեղյանը:

Հարցին` վարչապետ դառնալու դեպքում կերաշխավորի՞, որ Սիրադեղյանը կարող է վերադառնալ, նա պատասխանեց. «Ես հիմա չեմ կարող կոնկրետ անձանց կոնկրետ խնդիրներ քննարկել, ես կարող եմ երաշխավորել, որ վարչապետ ընտրվելու դեպքում ՀՀ-ում ամբողջական օրինակություն կհաստատվի»:

Դիտարկմանը` ԵՊՀ-ն երեկ հայտարարել է, թե պատրաստ է տալ Փաշինյանի դիպլոմը, և հարցին` կվերցնե՞ք, Փաշինյանն արձագանքեց. «Եթե մտադիր լինեի վերցնել, ապա վերջին 23 տարում կկարողանայի անել դա»:

Նա անդրադարձավ նաև ռեյտինգային ընտրակարգը վերացնելուն և կարճ ասաց. «Այո, կա այդպիսի գաղափար»: