Պեսկովը մեկնաբանել է ռուսական շուկաների անկումը

Կրեմլում ուշադիր հետևում են երկրի տնտեսական իրավիճակին: Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ռուսական շուկաների անկումը. հայտնում է РИА Новости-ն:

«Ինչ վերաբերում է տնտեսական օրակարգին, այն միշտ հաստատուն է նախագահի աշխատանքային գրաֆիկում»,- ասել է նա՝ պատասխանելով հարցին` ի՞նչ է ձեռնարկում անձամբ նախագահն իրավիճակի կայունացման համար: Ըստ Պեսկովի`այդ ուղղությամբ աշխատանք է տարվում կառավարության հետ: 

Նա նշել է, որ բորսաներում բացասական միտումները մասամբ պայմանավորված են ամերիկյան պատժամիջոցների զգացմունքային հետևանքներով, ինչը հետագայում կկարգավորվի: