Յուլյա Սկրիպալի քույրը հաստատել է, որ իրեն հրաժարվել են բրիտանական վիզա տրամադրել

Ռուս նախկին լրտես Սերգեյ Սկրիպալի զարմուհին` Վիտորյան, Business FM-ի հետ զրույցում հաստատել է, որ իրեն հրաժարվել են վիզա տրամադրել Մեծ Բրիտանիա այցելելու համար. հայտնում է РИА Новости-ն:

Նա նաև ասել է, որ Յուլյա Սկրիպալի հետ շաբաթվա սկզբին ունեցած հեռախոսազրույցից հետո նա այլևս չի կարողացել կապ հաստատել նրա հետ:

Հիշեցնենք, որ ավելի վաղ Լոնդոնում Ռուսաստանի դեսպանատան ներկայացուցիչը РИА Новости-ին ասել էր, որ «Սկրիպալի գործի»  շուրջ ստեղծված իրավիճակում Մեծ Բրիտանիայի իշխանությունների պահվածքը, որոնք թաքցնում են տուժածներին արտաքին աշխարհից, հրաժարվում են համագործակցել և պատասխանել հարցերին, վկայում է այն մասին, որ նրանք թաքցնելու բան ունեն: