Զինված խմբի «պարագլխի» համար շտապօգնություն կանչեցին

2015 թվականի նոյեմբերին Նորք-Մարաշում վնասազերծված զինված խմբի պարագլուխ համարվող Արթուր Վարդանյանի համար քիչ առաջ շտապօգնության բրիգադ հրավիրեցին դատարան: Վարդանյանի պաշտպան Լևոն Բաղդասարյանը հայտնեց, որ իր պաշտպանյալը լուրջ առողջական խնդիրներ ունի:

Այս պահին դատական նիստն ընդմիջվել է: Նշենք, որ նախորդ նիստը նույնպես հետաձգվել էր Արթուր Վարդանյանի առողջական վատ վիճակի պատճառով: Նրա պաշտպան Սիրանույշ Աղվանյանը նախորդ նիստում լրագրողների հետ զրույցում ասաց, որ Արթուր Վարդանյանի առողջական վիճակը, 2017 թվականի հուլիսից սկսած, վատանում է:

Նորք-Մարաշում 2015թ. վնասազերծված Արթուր Վարդանյանը մեղադրվում է հանցավոր խումբ ստեղծելու, զենք-զինամթերք պահելու մեջ: