Բողոքի ցույցեր` Կատալոնիայում

Կատալոնիայի ոստիկանությունը ցրում է ցուցարաներին, որոնք փակել են Իսպանիան և Ֆրանսիան միացնող մայրուղին. հայտնում է РИА Новости-ն:

Ակցիան մեկնարկել է Հանրապետության պաշտպանության կոմիտեի կոչով, որը հանդես է գալիս շրջանի անկախության օգտին: Ակցիաները մեկնարկել են այն բանից հետո, եր Գերմանիայում ձերբակալել են Կատալոնիայի կառավարության նախկին ղեկավար Կարլես Պուչդեմոնին:

Հիշեցնենք, որ Իսպանիայի Գերագույն դատարանը 2017-ի աշնանը, այնուհետև` 2018-ի մարտի 23-ին միջազգային թույլտվություն էր տվել Պուչդեմոնին ձերբակալելու համար: Իսպանիայի իրավապահ մարմինները մի շարք կատալոնացի առաջնորդների նկատմամբ քրեական գործեր են հարուցել խռովության կազմակերպման, բյուջետային միջոցները վատնելու մեղադրանքներով: