Մեզ օկուպացրին մշակույթի, ուտել-խմելու սովորության և սպորտի միջոցով. Էրդողանի որդին իր ելույթներով չի զիջում հորը

Թուրքիայի նախագահ Ռեջեփ Թայիփ Էրդողանի որդին՝ Բիլալ Էրդողանը, իր ելույթներով և գործունեությամբ չի զիջում հորը:

Ըստ Demokrathaber-ի՝  նետաձգության դասընթացների ամենամյա միջոցառման ընթացքում ելույթ ունեցած Բիլալը վերացական հայտարարությունն է հնչեցրել՝ պնդելով, որ ոմանք փորձել են իրենց «օկուպացնել» մշակույթի միջոցով:

«Դեռ 100 տարի չի անցել, սակայն մեր երկիրն օկուպացնել, մասնատել և մեզ պառակտել ցանկացողները իրենց նպատակը փորձեցին իրականացնել մշակույթի միջոցով: Ձախողության հասնելով՝ նրանք դա իրականացրին երաժշտության, արվեստի, ուտել-խմելու սովորությունների և, իհարկե, սպորտի միջոցով»,- հայտարարել է նա: