Դուք առաջ եկեք, մենք հաջորդ քայլը կանենք. Իրանի դեսպան

Իրանական կողմը պատրաստ է գործարկել Հայաստան-Իրան երկաթգիծը:

«Արմենպրես»-ի հաղորդմամբ`ՀՀ-ում Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջադին լրագրողների հետ ճեպազրույցում կարեւոր համարեց ներդրումների իրականացումը: «Իրանի հարաբերությունները Հայաստանի հետ շատ լավ են, եւ մենք պատրաստ ենք գործարկելու երկաթգիծը: Հայկական կողմը պետք է աշխատի ներդրող կողմին ներկայացնել»,- հավելեց դեսպանը:

Անդրադառնալով հյուսիս-հարավ մայրուղուն՝ Սեյեդ Քազեմ Սաջադին կարեւորեց նաև համատեղ ներդրումների իրականացումը: «Դուք  առաջ եկեք, մենք հաջորդ քայլը կանենք»,- նշեց նա:

Կառավարության 2017 թվականի հունվարի 12-ի նիստի օրակարգում հայտարարվեց Հայաստան-Իրան երկաթուղին կառուցելու համար ստեղծված «Երկաթուղու շինարարության տնօրինություն» ընկերության լուծարման մասին: