Արոնյանը՝ Ջիբրալթարի գերմրցաշարի հաղթող

Ջիբրալթարում ընթացող Gibraltar Masters  մրցաշարի վերջին տուրում Լևոն Արոնյանը ոչ-ոքի է խաղացել ամերիկացի Հիկարու Նակամուրայի հետ և 7 շախմատիստների հետ կիսել  առաջին հորիզոնականը:

Մրցաշարի հաղթողը որոշվել է արագ շախմատի կանոններով:  Թայ-բրեքին մասնակցել են լավագույն լրացուցիչ ցուցանիշ ունեցող 4 շամատիստները՝ Նակամուրան, Ռափորտը, Վաշիե-Լագրավն ու Արոնյան):

Արոնյանը թայ-բրեքի երկու պարտիաներում պարտության է մատնել Ռիշարդ Ռափորտին և դուրս եկել եզրափակիչ, որտեղ ուժերը չափել է Մաքսիմ Վաշիե-Լագրավի հետ: 3 պարտիաներն ավարտվել են ոչ-ոքի, իսկ 4-րդ պարտիայում հայ գրոսմայստերը հաղթել է   և նվաճել է մրցաշարի հաղթողի կոչումը: