Միասնական երթուղային համակարգ ընդունելուց հետո շատ բան կփոխվի. նախարար

Այսօր կառավարության նիստից հետո լրագրողները կապի, տրանսպորտի և ՏՏ նախարար Վահան Մարտիրոսյանին հարցրեցին դիզվառելիք թանկացումների մասին, որը կարող է հանգեցնել երթուղիների գների թանկացմանը: Նախարարը անդրադարձավ մամուլում տեղ գտած այն տեղեկությանը, թե Երևան-Հրազդան երթուղին արդեն թանկացել է, 400 դրամից դառնալով 500 դրամ: «Ես կարող եմ հայտարարել, որ այդ երթուղին մրցույթը ժամանակին շահել է 500 դրամով, և իրավունք ուներ իր հաշվին գինը իջեցնել: Այսօր նա գինը դարձրել է մրցույթի գնին համապատասխան: Նա կարող է ժամանակի ընթացքում փոխել այդ որոշումը և շարունակել աշխատել 400 դրամով»,-ասաց նախարարը: Նրա խոսքով` շուտով ներկայացվելու է երթուղիների մեկ միասնական համակարգը , որից հետո շատ բան կփոխվի: 2018թ առաջին եռամսյակին արդեն կներկայացվի միասնական երթուղային համակարգի նախագիծը: