Սահակաշվիլիի կողմնակիցների և իրավապահների միջև բախումներ են տեղի ունեցել. կան տուժածներ (լուսանկարներ)

Կիևի Մարիինսկի այգում բախումներ են տեղի ունեցել Օդեսայի նախկին նահանգապետ Միխեիլ Սահակաշվիլիի կողմնակիցների և իրավապահների միջև. հայտնում է Украинская правда-ն:

Իրավապահներն առավոտյան 6:00-ին փորձել են գրոհել վրանային ճամբարը` Սահակաշվիլիին գտնելու համար, սակայն ստիպված են եղել հետ քաշվել: Սահակաշվիլիի կողմնակիցների շրջանում կան տուժածներ:

Նշենք, որ Սահակաշվիլիի կողմնակիցները պահանջում են երկրի նախագահ Պյոտր Պորոշենկոյի իմպիչմենտը:

Երեկ ոստիկանությունը խուզարկություն էր անցկացրել նրա տանը, Սահակաշվիլին բարձրացել էր 8-հարկանի շենքի տանիքը և սպառնում էր ցած նետվել, եթե նրան մոտենան: Նրան հաջողվել էր ձերբակալել, սակայն ավելի ուշ նրա կողմնակիցները ազատել էին նրան ոստիկանների ձեռքից: Սահակաշվիլիին մեղադրել են իշխանափոխության փորձի մեջ: