Նալբանդյան-Մամեդյարով հանդիպումը կկայանա Վիեննայում դեկտեմբերի 7-8-ը

Մոսկվայում ավարտվել է Ադրբեջանի ԱԳՆ ղեկավար Էլմար Մամեդյարովի հանդիպումը ԵԱՀԿ ՄԽ համանախագահների հետ. հայտնում է АПА-ն: Այդ մասին տեղեկացրել է Ադրբեջանի ԱԳՆ մամուլի քարտուղար Հիքմեթ Հաջիևը:

Նրա խոսքով` բանակցությունները եղել են կառուցողական և առարկայական, տեղի են ունեցել կոնկրետ քննարկումներ ԼՂ հակամարտության հետ կապված բանակցությունների սեղանին դրված բոլոր առաջարկների վերաբերյալ: Ըստ Հաջիևի` ադրբեջանական կողմը բավարարված է անցկացված քննարկումներով:

Նա նաև տեղեկացրել է, որ Մամեդյարովը համաձայնել է հանդիպում ունենալ Հայաստանի ԱԳՆ ղեկավար Էդվարդ Նալբանդյանի հետ, ԵԱՀԿ Մինսկի խմբի համանախագահների մասնակցությամբ, դեկտեմբերի 7-8-ին Վիեննայում անցկացվելիք ԵԱՀԿ արտգործնախարարների նիստի շրջանակներում: