Հանրային հեռուստատեսության ու ռադիոյի խորհրդի անդամներին կնշանակի վարչապետը` մրցութային կարգով

ՀՀ արդարադատության նախարար Դավիթ Հարությունյանն այսօր կառավարության նիստում ներկայացրեց «Հեռուստատեսության ու ռադիոյի մասին» ու մի շարք այլ օրենքներում փոփոխություններ ու լրացումներ կատարելու մասին օրենքի նախագիծը` ընդգծելով, որ փոփոխությունները պայմանավորված են սահմանադրական բարեփոխումներով:

«Մանրամասն սահմանվում են հեռուստատեսության ու ռադիոյի հանձնաժողովի անդամների ընտրության կարգը, նրանց ներկայացվող պահանջները, լիազորությունների դադարեցման կարգը: Այդ հանձնաժողովը պետք է օժտված լինի լիազորությամբ, և օրենքով համապատասխան մեխանիզմներ պետք է տրված լինեն, ինչնարել ենք»,- ասաց նախարարը:

Հստակեցվում է, թե ինչ է նշանակում «Հանրային հեռուստատեսության ու ռադիոյի խորհուրդ», և որն է դրա կարգավիճակը: Այն ղեկավարող մարմին է, որի անդամներին նշանակում է վարչապետը՝ մրցութային կարգով:

Դավիթ Հարությունյանը նշեց, որ օրենքում տեղ են գտել մի շարք մեխանիզմներ, որոնք նախկինում ևս եղել են, մասնավորապես` ինչ ձևով պետք է հեռարձակվեն բռնություն, սարսափ պարունակող, էրոտիկ բնույթի հաղորդումները և այլն: