Սաուդյան Արաբիայում մահացել է ձերբակալված արքայազնը

Սաուդյան թագավորական ընտանիքի մամուլի ծառայությունը հայտնել է 44-ամյա արքայազն Աբդուլազիզ բին Ֆահդ բին Աբդուլազիզ ալ Սաուդի մահվան մասին. հայտնում է newsru.co.il-ը:

Պաշտոնական հաղորդագրությունում չի խոսվում արքայազնի մահվան պատճառների մասին, սակայն սաուդյան բլոգերները պնդում են, որ նա մահացել է վերքերից, որոնք ստացել է կիրակի` ձերբակալության ժամանակ: Վարկածներից մեկի համաձայն` նա վիրավորվել է փոխհրաձգության ժամանակ, երբ փորձել է դիմադրություն ցույց տալ:

Կիրակի թագավորությունում զանգվածային ձերբակալություններ են տեղի ունեցել. ձերբակալվել են բարձրաստիճան պաշտոնյաներ և 11 արքայազն: Ձերբակալություններն իրականացվել են հակակոռուպցիոն կոմիտեի որոշմամբ: