Հակադեպրեսանտները վտանգավոր են կյանքի համար. գիտնականներ

Մաքմասթերի համալսարանի գիտնականները վերլուծել են հետազոտությունների տվյալներ, որոնց մասնակցել են հարյուր հազարավոր մարդիկ: Վերլուծությունը ցույց է տվել, որ այն կամավորների մոտ, որոնք հակադեպրեսանտներ են ընդունել, վաղաժամ մահվան վտանգը 33 տոկսով ավելի է եղել` նրանց համեմատ, ովքեր հակադեպրեսանտներ չեն ընդունել. հայտնում է Meddaily.ru-ն:

Բացի դրանից` հակադեպրեսանտներ ընդունածների մոտ 14 տոկոսով ավելի հավանական են դառնում  կաթվածը և ինֆարկտը: Բանն այն է, որ հակադեպրեսանտները թույլ չեն տալիս, որ նեյրոնները հետ վերցնեն սերոտոնինը: Իսկ սերոտոնինն անհրաժեշտ է սրտին, երիկամներին, թոքերին, լյարդին: Մահվան վտանգը մեծանում է  հենց այդ պատճառով: