Մեքենան ընկել է ջրատարը. վարորդը հոսպիտալացվել է

Օգոստոսի 26-ին, ժամը 01:04-ին տեղեկություն է ստացվել, որ Մխչյան-Դիտակ ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Մխչյան-Դիտակ ավտոճանապարհի 3-րդ կմ-ին «ՎԱԶ 21113» մակնիշի 34 RN 823 պետհամարանիշի ավտոմեքենան (վարորդ` 1985 թ. ծնված Վ. Հ.) դուրս է եկել ճանապարհի երթևեկելի հատվածից, կողաշրջվել և հայտնվել մոտակա ջրատարի մեջ։

Փրկարարներն ավտոմեքենայից դուրս են բերել Վ. Հ.-ին և մոտեցրել շտապօգնության ավտոմեքենային, վերջինս հոսպիտալացվել է Էրեբունի ԲԿ:

Փրկարարները հոսանքազրկել են ավտոմեքենան, փակել գազի բալոնի փականը և դուրս բերել ջրատարից։