Դավթաշեն թաղամասում 3 դեռահաս է դանակահարվել

Ոստիկանության լրատվական բաժնից Yerkir.am-ին հայտնեցին, որ Երևանի Դավթաշեն համայնքում 17-ամյա երեք դեռահասների միջև դանակահարության դեպք է գրանցվել: 

«Օգոստոսի 10-ին՝ ժամը 23:30-ին, «Արմենիա» բժշկական կենտրոնից  հաղորդում է ստացվել, որ իրենց մոտ կտրած-ծակած վերք ախտորոշմամբ բուժօգնության է դիմել 2000 թվականին ծնված երկու քաղաքացի»,- ասացին մեզ:

Պարզվել է, որ բուժօգնության դիմած քաղաքացիները և նրանց՝ 2000 թվականին  ծնված ընկերը  մարմնական վնասվածքներ ստացել են նույն օրը Դավթաշեն երկրորդ թաղամասում գտնվող դպրոցի բակում:

Ոստիկանության ծառայողների կողմից ձեռնարկվում են համապատասխան միջոցառումներ դեպքի հանգամանքները պարզելու ուղղությամբ: Նշանակվել է դատաբժշկական փորձաքննություն, կատարվում է քննություն: