Պենտագոնն անդրադարձել է Թուրքիայի կողմից ռուսական C-400 համակարգեր գնելուն

Պենտագոնի ղեկավար Ջեյմս Մետիսն ասուլիսի ժամանակ անդրադարձել է Թուրքիայի կողմից ռուսական C-400 զենիթահրթիռային համակարգերի ձեռքբերմանը: Այս մասին հայտնում է РИА Новости-ն:

«Խնդիրն այն է, թե որքանո՞վ են դրանք համատեղելի ՆԱՏՕ-ի համակարգերի հետ: Դրանք երբեք համատեղելի չեն լինի»,-հայտարարել է նա՝ ընդգծելով, թե իրենք պետք է սպասեն ու տեսնեն, թե Թուրքիան ինչ կերպ է օգտագործելու այս զենիթահրթիռային համակարգերը:

Նշենք, որ Ռուսաստանի կողմից Թուրքիային С-400 համակարգեր վաճառելու վերաբերյալ բանակցությունները սկսվել են մի քանի ամիս առաջ: Ըստ Bloomberg-ի՝ Անկարան դրա վրա ծախսելու է մոտ 2,5 միլիարդ դոլար: