Նա թունել չի փորել․ Թաներ Աքչամը՝ Նիշանյանի փախուստի մասին

Թուրք հայտնի պատմաբան Թաներ Աքչամը նույնպես արձագանքել է պոսլահայ մտավորական Սևան Նիշանյանի՝ բանտից փախուստին։

Հայտնի պատմաբանն իր Ֆեյսբուքյան էջում գրել է․ «Պոլսահայ Սևան Նիշանյանը, ըստ իս՝ Թուրքիայի մեծագույն մտավորականներից մեկը, փախել է բանտից։ Նա դատապարտվել էր ավելի քան 16 տարվա ազատազրկման և բանտում էր 2014 թվականից։ Նա թունել չի փորել։ Նրան թույլատրվել էր լքել բանտը մեկ օրով, ինչը լինում է միայն երեք ամիսը մեկ։ Նա պարզապես չի վերադարձել»։

Աքչամը նաև մեջբերել է փախուստից հետո Նիշանյանի Ֆեյսբուքյան գրառումը, թե՝ «Թչնակը թռավ»։ 

«Այնպիսի աշխարհ ունենալու կարոտով, որտեղ բոլոր թռչուններն ազատ կլինեն»,-եզրափակել է Աքչամը։