Սերժ Սարգսյանը` «իսկանդեր»-ի մասին

«Ռ-էվոլյուցիա» հաղորդաշարին տված հարցազրույցում ՀՀ նախագահ Սերժ Սարգսյանն անդրադարձել է ԼՂ հակամարտության խնդրին:

«Արցախի ժողովրդի ինքնորոշման իրավունքը ի վերուստ տրված  իրավունք է, միջազգային կառույցների կանոնադրությամբ նախատեսված իրավունք է, միջազգային իրավունքի կողմից ընդունված սկզբունք է, և այն պետք է իրացվի»,- ասել է Սերժ Սարգսյանը:

Նրա խոսքով` հակամարտության լուծման թիվ մեկ և ամենավստահելի երաշխիքը սեփական մարտունակ զինված ուժերն են: Հայաստանը ունի բավարար սպառազինություն, որպեսզի կարողանանք մեր զորքի մարտական ունակությունների միջոցով չեզոքացնենք այն վտանգը, որը սպառնում է Արցախի կամ Հայաստանի բնակչությանը:

ՀՀ նախագահը խոսել է նաև «իսկանդեր»  զինատեսակի մասին: «Ով կարծում է, թե «իսկանդեր»-ը միայն բարոյական կամ հոգեբանական նշանակություն ունի, նա չի հասկանում ինչ է «իսկանդեր»-ը, երբ իմանան, կհասկանան, թե ինչպիսի կործանարար ուժ ունի այն»,- հաղորդման անոնսի տարբերակում ասել է ՀՀ նախագահը:

Հաղորդման ամբողջական թողարկումը եթեր է հեռարձակվելու կիրակի՝ 23:20-ին: