Լավրովը պատմել է Պուտին-Թրամփ հանդիպման արդյունքների մասին

ՌԴ ԱԳ նախարար Սերգեյ Լավրովը մամուլի ասուլի է տվել, որը նվիրված էր Պուտին-Թրամփ հանդիպման բանակցություններին: Լավրովն այդ բանակցությունները անվանել է կառուցողական:

«Իսկապես երկարատև ու զուտ քաղաքական հանդիպում էր: Իմ տպավորությունն այն է, որ թե ՌԴ, թե ԱՄՆ նախագահները առաջնորդվում էին իրենց ազգային շահերով, միաժամանակ փորձելով ձեռք բերել փոխադարձ շահավետ պայմանավորվածություններ, այլ ոչ առաջ քաշելով առճակատման սցենարներ կամ խնդիրներ գտնել:

Մասնավորապես, Լավրովի խոսքով, նախագահները քննարկել են իրավիճակը Կորեական թերակղզում, Սիրիայում: Երկու գերտերությունների նախագահները պայմանավորվել են ստեղծել ուղիներ` Ուկրաինայում ստեղծված վիճակը կարգավորելու նպատակով:

Թրամփը, Լավրովի խոսքով, Պուտինին ասել է, որ ԱՄՆ-ում նախագահական ընտրությունների արդյունքներին Ռուսաստանի մասնակցության թեմայով արշավը ձեռք է բերում տարօրինակ բնույթ: Պուտին-Թրամփ բանակցությունները տևել են երկու ժամ: