Կառավարությունն ընդունեց ՀՀ մարզերի` 2017-2025թթ. զարգացման ռազմավարությունը

Այսօր կառավարության նիստում տարածքային կառավարման և զարգացման նախարար Դավիթ Լոքյանը ներկայացրեց ՀՀ մարզերի` 2017-2025 թթ. զարգացման ռազմավարությանը հավանություն տալու մասին հարցը: Ռազմավարության հիման վրա մշակվել են Հայաստանի Հանրապետության մարզերի` 2017-2025 թվականների զարգացման ռազմավարությունները, որոնց հիմնական նպատակներն են` զբաղվածության ընդլայնում, մարդկային կապիտալի զարգացում և տարածքների մրցունակության բարձրացում:

«Յուրաքանչյուր մարզի համար ձևավորել ենք ռազմավարական փաստաթուղթ, որը 2017-2025թթ. համար ցույց է տալու հիմնական նպատակները, տեսլականը, չափորոշիչները, որով տվյալ մարզը պետք է զարգանա»- ասաց Դավիթ Լոքյանը:

Վարչապետ Կարեն Կարապետյանը հավելեց, որ չափազանց կարևոր փաստաթուղթ է մարզերի ռազմավարության և զարգացման ծրագրի համատեքստում, այն պետք է դառնա աշխատանքային փաստաթուղթ:

Նա հանձնարարեց գերատեսչությունների ղեկավարներին` համագործակցել, խորհրդակցել մարզպետերի հետ` հստակեցնելու, թե ինչ քաղաքականություն ու աշխատանք պետք է տանեն յուրաքանչյուր մարզում: Ամեն տարի հետևելու են ծրագրին` հասկանալու համար, թե ինչ են արել, ինչը չեն արել: Որոշումն ընդունվեց: