Կառավարությանը կներկայացվի 2016-2025 թթ տարածքային զարգացման ռազմավարությունը

Կառավարության վաղվա նիստի օրակարգում ՀՀ տարածքային կառավարման և զարգացման նախարարությունը ներառել է  2016-2025 թվականների տարածքային զարգացման ռազմավարությանը հավանություն տալու մասին հարցը:

Նախագծի ընդունումը պայմանավորված է ՀՀ տարածքների մրցունակությունը բարձրացնելու և Հայաստանի մարզերի միջև առկա անհամաչափությունները մեղմելու անհրաժեշտությամբ:ՀՀ կառավարությունը 2011 թվականին ընդունել է ՀՀ տարածքային զարգացման հայեցակարգը: Այն սահմանել է համաձայնեցված և առաջնահերթություն հանդիսացող:

 ՏԶ հայեցակարգի հիմնական նպատակները համահունչ են ՀՀ 2014-2025թթ. Հեռանկարային զարգացման ռազմավարության հիմնական գերակայություններին` զբաղվածության ընդլայնում, մարդկային կապիտալի զարգացում, սոցիալական ապահովության համակարգի բարելավում և պետական կառավարման համակարգի ինստիտուցիոնալ արդիականացում, որոնք իրենց հերթին համահունչ են նաև ԵՄ 2020թ. ռազմավարության թեմատիկ նպատակներին:

Փաստաթղթում  կարտացոլվեն երկու կարևոր նպատակներին հասնելու, այն է` տարածքների մրցունակությունը բարձրացնելու և Հայաստանի մարզերի միջև առկա անհամաչափությունները մեղմելու համար անհրաժեշտ հիմնական գործողությունները:

Ռազմավարական տեսանկյունից տարածքային զարգացման արդյունքը կգնահատվի երեք ընդհանուր, սակայն հստակ ու չափելի հետևյալ ցուցանիշներով`

1. 2017 թվականին Հայաստանի Հանրապետությունը կունենա տարածքային զարգացման քաղաքականության իրականացման մեկ ընդհանուր` Տարածքային զարգացման գործառնական ծրագիր (ՏԶԳԾ), որը հիմք կհանդիսանա ՏԿԶՆ բյուջետային ծրագրերի նախապատրաստման և տարածքային զարգացման նպատակներով արտաքին աղբյուրներից բյուջետային աջակցության ստացման համար։

2.. 2025թ.-ի դրությամբ առանձին վերցված յուրաքանչյուր մարզում մեկ շնչի հաշվով ՀՆԱ-ն կգերազանցի մեկ շնչի հաշվով ՀՆԱ-ի միջին հանրապետական ցուցանիշի 60 %-ը և մեկ շնչի հաշվով ՀՆԱ-ի 70%-ից ցածր կգտնվի մարզերի բնակչության ոչ ավել քան 30%-ը ։

3. 2025թ.-ի դրությամբ բոլոր մարզերում միջին մասնագիտական և բարձրագույն կրթություն ունեցողների, ոչ գյուղատնտեսական ֆորմալ զբաղվածների և ակտիվ ձեռնարկությունների թվաքանակը կաճի առնվազն 10 տոկոսով` համեմատած 2014 թվականի հետ:

Ռազմավարության ընդունումը նպատակ ունի խթանել բոլոր մարզերի տնտեսական ու սոցիալական, տարածքային համաչափ և կայուն զարգացումը:

Ռազմավարության իրականացման պարագայում ակնկալվում է ապահովել տարածքների համաչափ զարգացում, մրցունակության բարձրացում, իրականացվող ծրագրերի համադրում՝ տարածքային զարգացման տեսանկյունից և ԵՄ-ի կողմից ակնկալվող բյուջետային օժանդակության հնարավորություն: