Մարզերի 2017-2025 զարգացման ռազմավարությունների նախագծերը փոխանցվել են կառավարություն

ՀՀ մարզերի 2017-2025 թվականների զարգացման ռազմավարությունների նախագծերը փոխանցվել են ՀՀ կառավարության աշխատակազմ, որտեղ նախատեսված  քննարկումներից հետո  կներկայացվեն Կառավարության հաստատմանը:

Նախագծերը կազմվել են ՀՀ մարզերի սոցիալ-տնտեսական իրավիճակի, մարզերի ուժեղ և թույլ կողմերի վերհանման, հնարավորությունների և սպառնալիքների վերլուծության արդյունքում, սահմանվել են զարգացման հիմքում դրվող նպատակները, զարգացման գերակայությունները: Յուրաքանչյուր մարզի տարածքային զարգացման ռազմավարության նախագծում նկարագրված է նաև տվյալ բնագավառում իրականացվող քաղաքականությունը: Ռազմավարությունները ներկայացվել էին շահագրգիռ մարմինների քննարկմանը, որից հետո ստացված առաջարկությունները և դիտողությունները քննարկվել  և ամփոփվել են ՀՀ ՏԿԶ նախարարությունում:

Հիշեցնենք, որ 2016 թվականի հուլիսին ՀՀ կառավարության կողմից` 2016-2025 թվականների տարածքային զարգացման ռազմավարության ընդունումից հետո ՀՀ ՏԿԶ նախարարությունը մարզպետարանների, ինչպես նաև ԵՄ խորհրդատվական խմբի աջակցությամբ մարզերում պարբերաբար կազմակերպել էր հանրային քննարկումներ, որոնց արդյունքները ՀՀ մարզպետարաների կողմից ամփոփվել և ներառվել են ՀՀ մարզերի 2017-2025թթ. ռազմավարություններում:

ՀՀ մարզերի 2017-2025 թվականների զարգացման ռազմավարությունների նախագծերին կարող եք ծանոթանալ ՀՀ ՏԿԶՆ պաշտոնական կայքում http://mtad.am/hy/razmavarutyunner/, ինչպես նաև իրավական ակտերի նախագծերի միասնական կայքում https://www.e-draft.am/projects/45

 ՏԿԶՆ