ՏԵՍԱՆՅՈՒԹ․ Շրջակա միջավայրի նոր նախարարը Ռոմանոս Պետրոսյանն է․ կառավարությունն ընդունեց որոշումը

Ռոմանոս Պետրոսյանը կառավարության այսօրվա նիստում ազատվեց ՀՀ Կոտայքի մարզպետի պաշտոնից՝  ՀՀ շրջակա միջավայրի նախարար նշանակվելու համար՝ հայտնում է Yerkir.am-ը։

Հարցը զեկուցեց Տարածքային կառավարման և ենթակառուցվածքների նախարար Սուրեն Պապիկյանը:

Վարչապետ Նիկոլ Փաշինյանը հիմնավորեց որոշումը․ «Ես որոշում եմ կայացրել Ռոմանոս Պետրոսյանին նշանակել շրջակա միջավայրի նախարար։ Եվ այս որոշումը՝ Կոտայքի մարզպետի պաշտոնից նրան ազատելու, ընդունվում է այդ նպատակով։ Այսօր համապատասխան միջնորդագիրը ես կստորագրեմ և կուղարկեմ հանրապետության նախագահին։ Այն ստորագրելուց հետո պարոն Պետրոսյանը կստանձնի շրջակա միջավայրի նախարարի պարտականությունները»,- ասաց նա։

Վարչապետը շնորհակալություն հայտնեց Վահե Ջիլավյանին՝ նախարարի պարտականությունները կատարելու  համար:

Հիշեցնենք, որ մայիսի 5–ին հայտնի դարձավ, որ շրջակա միջավայրի նախարար Էրիկ Գրիգորյանն ազատվել է պաշտոնից։

Ռոմանոս Պետրոսյանը Կոտայքի մարզպետի պարտականությունները ստանձնել էր 2018 թվականի հունիսի 1-ից:

Մանրամասն՝ տեսանյութում․