ՄԱԿ-ը կրճատում է խաղաղապահ առաքելության բյուջեն 600 միլիոն դոլարով

ՄԱԿ-ի Գլխավոր Ասամբլեան հաստատել է խաղաղապահ առաքելության բյուջեն մեկ տարվա համար, որը սկսվում է հուլիսի 1-ից:

Ինչպես նշված է փաստաթղթում,  ամբողջ աշխարհում 14 առաքելության համար ծախսվելու է 7,3 միլիարդ դոլար, ինչը 600 միլիոն դոլարով ավելի քիչ է, քան նախատեսված էր նախորդ բյուջեով:

ԱՄՆ-ը, որը ՄԱԿ-ի հիմնական դոնորներից է, ողջունել է ծախսերի կրճատումը` հայտարարելով, որ կցանկանար` էլ ավելի կրճատվեր բյուջեն:Միևնույն ժամանակ ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը հայտարարել է, որ չնայած բյուջեի կրճատմանը, ՄԱԿ-ը ձգտելու է պահպանել խաղաղությունը աշխարհի կոնֆլիկտային գոտիներում պատշաճ ձևով: