Ծխելուց հրաժարվելը մարդու ցանկությունն է, և ես դեռ նման ցանկություն չունեմ. Տարոն Մարգարյան

Ծխելուց հրաժարվելը մարդու ցանկությունն է: «Ես դեռ նման ցանկություն չունեմ, բայց երևի մի օր կգա, և ես էլ այդ ցանկությունը կունենամ»,- այսպես արձագանքեց Երևանի քաղաքապետ Տարոն Մարգարյանը լրագրողներին հարցին, թե տեղյա՞կ է, որ ՀՀ առողջապահության նախարար Լևոն Ալթունյանը ծխելու դեմ գործողությունների շարք է սկսել:

Նա նշեց նաև, որ քաղաքապետարանը տարիներ առաջ քայլեր էր ձեռնարկել, որպեսզի հանրային վայրերում առանձնացվի ծխողների և չծխողների համար տարածք, սակայն այդպես էլ նպատակին հասնել չեն կարողացել: «Այդ ժամանակ չկարողացանք, քանի որ վարչական օրենսդրության որոշ պակաս կար` տույժերի հետ կապված, այսինքն` տույժեր չկային: Իսկ այսօր, կարծում եմ, հարցն ամբողջությամբ կլուծվի` օրենքով: Մենք ՀՀ օրենքները հարգում ենք, և մենք էլ մեր հերթին պետք է ենթարկվենք այդ օրենքներին»,- ասաց քաղաքապետը: