Պուտինը չի բացառել, որ Քենեդիին սպանել են ԱՄՆ հատուկ ծառայությունները

ՌԴ նախագահ Վլադիմիր Պուտինը NBC News-ին տված հարցազրույցում ասել է, որ չի կարելի բացառել, որ ԱՄՆ 35-րդ նախագահ Ջոն Քենեդիին սպանել են ամերիկյան հատուկ ծառայությունները. հայտնում է Газета.ру-ն:

«Չէ որ գոյություն ունի վարկած, որ Քենեդիի սպանությունը կազմակերպել են ԱՄՆ հատուկ ծառայությունները: Եթե դա ճիշտ է, իսկ դա չի կարելի բացառել, ապա որքան հեշտ է ներկայիս պայմաններում, օգտագործելով հատուկ ծառայությունների տեխնիկական հնարավորությունները, կազմակերպել հարձակումներ և գցել ամեն ինչ Ռուսաստանի վրա»,- ասել է նա:

Այդ կերպ է Պուտինը մեկնաբանել այն մեղադրանքները, թե ՌԴ-ն միջամտել է ԱՄՆ նախագահական ընտրություններին: