ԱՄՆ հատուկ ծառայությունները խոստովանել են

ԿՀՎ նախկին աշխատակից Էդվարդ Սնոուդենի բացահայտումներից 2 ամիս անց, ԱՄՆ հատուկ ծառայությունները խոստովանել են, որ օրենք են խախտել` հափշտակելով մարդկանց անձնական էլեկտրոնային նամակները, որոնք կապ չեն ունեցել ահաբեկչության հետ. հայտնում է  Reuters-ը:

ԱՄՆ ազգային անվտանգության գործակալությունը 2008 և 2011 թթ. անօրինական հետևել է 56 հազար ամերիկացու էլեկտրոնային հաղորդագրութուններին: Սա ապացուցվել է դատական նիստի ժամանակ: Դատարանը համարել է, որ ազգային անվտանգության գործակալությունը հակասահմանադրական քայլեր է արել և պարտավորեցրել այսուհետ փոխել տվյալների հավաքագրման մեխանիզմը և դրանց պահպանման ժամկետները: