Կանգ չեն առնելու

Այսօր «Ելք» դաշինքի անդամներ Նիկոլ Փաշինյանը և Էդմոն Մարուքյանը լրագրողների հետ զրույցում անդրադարձան նաև ընտրակաշառքի դեմ պայքարի՝ 15 հազար դրամների նախագծին:

«Մեր ցանկացած նախընտրական խոստում Տարոն Մարգարյանը կարող է իրագործել: Մենք խոստացել էինք 15 հազար դրամները, ինչպես նաև մետրոյի նոր կայարան կառուցել»,- հայտարարեց Փաշինյանը:

Սակայն, ըստ նրա, Տարոն Մարգարյանը չի իրագործի 15 հազար դրամի նախագիծը: «Նա մնացած 5 տարում ձգտելու է հետ վերադարձնել իր կողմից բաժանված 15 հազար դրամները, ոչ թե կյանքի կոչել մեր նախագիծը»,- ասաց նա:

Միևնույն ժամանակ, Փաշինյանը նշեց, որ իրենք կանգ չեն առնելու, շարունակելու են ընտրակաշառքի, նաև այլ արատավոր երևույթների դեմ պայքարի մեխանիզմներ մշակել և այս փոսից ելք գտնել: