Գրեթե բոլոր տեղամասերի հաշվարկներն ավարտվել են. առաջատարը ՀՀԿ-ն է

Կենտրոնական ընտրական հանձնաժողովը ներկայացնում է Երևանի ավագանու ընտրությունների քվեարկության նախնական արդյունքները: Արդյունքները ներկայացվում են ըստ ընտրական տեղամասերի, տարածքային ընտրական հանձնաժողովների սպասարկման տարածքների և ընտրական տարածքների:

Այսպիսով՝ ըստ 419 մշակված ընտրատեղամասերի՝ «Ելք» կուսակցությունների դաշինքը ստացել է 61 564 ձայն, որը կազմում է ընտրողների 21.06 տոկոսը, «Երկիր Ծիրանի» կուսակությունը՝ 22 724, այսինքն՝  7.77 տոկոսը, «Հանրապետական» կուսակցությունը՝ 208 013 ձայն կամ ընտրողների 71.16 տոկոսը:

Հիշեցնենք, որ մայրաքաղաքում ձևավորված է 10 տարածքային ընտրական հանձնաժողով, 474 ընտրական տեղամաս: