Հարկ վճարողները էլեկտրոնային եղանակով կներկայացնեն հայտը՝ ակցիզային դրոշմանիշեր ստանալու համար

Կառավարության վաղվա նիստի օրակարգում ՊԵԿ-ը ներառել է որոշում, որի նպատակը «Ակցիզային հարկի մասին» օրենքի  սահմանած պահանջներն ապա­­­­հովելն է:

Մինչև օրենքի ուժի մեջ մտնելը Հայաստանի Հանրապետությունում արտադրվող` ակցի­զային հարկով հարկման ենթակա ապրանքների դրոշմավորման համար ակցիզային դրոշմանիշեր ձեռք բերելու նպատակով հարկ վճարողները թղթային կրիչով՝ առձեռն, հար­կա­յին մարմին էին ներկայացնում դիմում՝ 2 օրինակից: Օրենքով սահմանվել է, որ  2017 թվա­կանի հունվարի 1-ից հարկ վճարողներն ակցիզային դրոշմանիշեր ձեռք բերելու համար պետք է էլեկտրոնային եղանակով հարկային մարմին ներկայացնեն հայտ: Այդ իսկ պատ­ճա­ռով անհրաժեշտություն է առաջացել համապատասխան փոփոխություններ կատարել կառավարության 2008 թ. որոշման մեջ:

Նախագծի ընդուն­­ման արդ­յուն­քում ակնկալվում է ՀՀ կառավարության վերոնշյալ որո­շումը համապատասխանեցնել օրենքի պահանջներին՝ հարկ վճարողներին հնա­րա­վո­րու­թյուն ընձեռելով էլեկտրոնային եղանակով ներկայացնելու հայտ՝ ակցիզային դրոշմանիշեր ստա­նալու համար: